WOMEN & SOLO PARENTS FORUM ANG NAPAHIGAYON

By on September 10, 2015

August 24-

Napahigayon ang “Women & Solo Parents Forum” para sa mgakababayen-ang biyuda ug mga nag-inusarang nagasuporta sa pamilya kaniadtong Agosto 20, 2015 didto sa Commercial Complex sa boulevard. Kini gitambongan sa siyam (9) ka mga partisipante kada barangay.

 Mihatag sa iyang welcome remarks si Mrs. Nenita O. Maningo ang kasamtangang CSWD Head ug si Atty. Rowena C. Magallanes ang nahimong Speaker nga maoy nakahatag sa mga kababayen-an sa kalamdagan, tukmang balaod, mga prebilihiyo nga ilang madawat isip solo parent. Diha usab ang mga personahe sa mga nagkalain-laing ahensya sa gobyerno Ms. Lyra R. Paulino,DOLE, Ms. Viola Ad. Pino, City Legal Office, Mr. Roberto P. Ricafort Jr., TESDA ug DepEd Supt. Victorina G. Perez ug P03 Sampaguita Malaubang sa PNP nga midugang sa pagpasabot kabahin sa ilang tagsa-tagsa ka programa.

Ang ikaduhang speaker mao si Atty. Jasmine N. Pinsoy,SP Member, siya usab ang mibatbat sa balaodnong RA 9262 ( Anti-Violence Against Women & their Children Act). Diha usab ang mga Daughters of Mary Immaculate Int’l. nga mihatag sa spiritual enrichment.

 Ubos ning programa adunay mga prebilihiyo ug ayuda sa livelihood program nga nagagikan sa DOLE, TESDA, DSWD, DepEd para sa mga Solo Parents. Mapasalamaton ang mga kababayen-an nga kining forum nagmalampuson kay tungod niini, aduna silay nakat-onan nga mga balaod, pribilihiyo ug ayuda ubos ning programa sa gobyerno diin ilang mapahibalo usab sa mga kababayen-an kung aduna silay problema sa panginabuhian.(CIO-Levinz)

News

Your Comments

You must be logged in to post a review.



Follow Us



Newsletter