TIGUM SA SIKAT SAKA SA AGRI–PINOY RICE PROGRAM GIHIMO

By on September 9, 2015

August 12 –

Nahimong malampuson ang pagpahigayon sa panagtigom sa 2nd Zamboanga Peninsula Sikat Saka ubos sa programang Agri-Pinoy Rice Program ning lalawigan sa Zamboanga del Norte niadtong Agosto 12, 2015 didto sa Dipolog City Boulevard Commercial Complex I.

Gitambongan kini sa mga miyembro sa Provincial Action Team (PAT) nga nagagikan sa nagkalain-laing kalungsuran ug dakbayan sulod dinhi sa rehiyon 9. Gituki atol sa maong panagtigom mao ang kabahin sa mga pamaagi alang sa dugang kalambo-an sa mga mag-uuma.

Mipabati sa iyang mensahe si DA Assistant Regional Director-IX, Dr. Dennis H. Palabrica (Dr. of Rural Development). Matud pa niini nga ang mga bangko nga makapa- utang ngadto sa mga mag-uuma sa humay mao ang mga partners kon kauban alang sa pagpalambo o pagpauswag sa mga mag-uuma.

Nasayran nga tagsa-tagsa sa mga hingtungdang buhatan ang mihatag sa ilang mga kalambigitan kabahin sa implementasyon sa Sikat Saka nga programa. Usa niini mao ang NIA (National Irrigation Authority), Land Bank of the Philippines (LBP), National Food Authority (NFA), Philippine Crop Insurance Company (PCIC), ATI (Agricultural Technological Institute), pipila ka MAO (Municipal Agricultural Office), City Agriculturist ug uban pa.

Gitambag lamang ni Land Bank of the Philippines Manager, Mr. Vinicius Hamoy nga kadtong mga mag-uuma nga duna na’y utang sa laing bangko, ang gikinahanglan nga dili na mangahas pa sa pagpangutang ngadto sa laing bangko aron dili makasugamak ug dugang pa nga problema. (CIO-MECC)

News

Your Comments

You must be logged in to post a review.



Follow Us



Newsletter