“SP DIPOLOG GILAMDAGAN SA DEWORMING PROJECT”

By on September 9, 2015

 

August 14

“The deworming activity of the Department of Health has been jointly implemented with the Department of Education 17 years ago in a twice a year activity, with the same dosage of 400 mg. abendazole tablet in chewable form. It is only this year, 2015, that it was done in synchronized activity nationwide last July 29”. Mao kini ang giluwatan nga pagpasabot ni City Schools Division Superintendent Victorina G. Perez, atol sa gipahigayung committee hearing sa Sangguniang Panlungsod sa Dipolog sa duha ka komitiba sa Health and Sanitation ug Rules and Revision of Ordinances kaniadtong Agosto 13, 2015.

 Kahibalo-an nga gumikan sa nagpahitabong “mass hysteria” sa mga ginikanan tungod sa mga text messages ug nahitabong pagpanakit sa mga tiyan sa pipila ka mga kabataan gumikan sa synchronized deworming nga gipahigayon sa DOH ug DepEd niadtong hapon sa Hulyo 29, mipadas-ug sa usa ka resolution si Konsehal James Cyril O. Ruiz nga nag-imbitar sa City Health Officer ug City Schools Division Superintendent, aron sa paghatag ug kalamdagan ngadto sa Sangguniang Panlungsod may kalabot na sa deworming project.

 Dugang gipaklaro ni City Schools Division Supt. Perez nga mikabat sa 19,593 ka mga resipiyenteng kabataan ang napa-ilawom sa deworming niadtong Hulyo 29 ning tuiga, ug adunay 100 ka mga kabataan ang nahatagan ug medical consultation gumikan sa reaksiyon sa deworming ug mikabat sa 12 ka kabataan ang nahospital gumikan sa pagbuot sa mga ginikanan. Gani sa wala pa gitakda ang deworming, mihimo na ang DepEd ug adbokasiya may kalabot na niini nga synchronized deworming sa tanang hingtungdan ug adunay gipang-apud-apud nga mga waiver slips nga ipapirma sa mga ginikanan. Kadtong wala pirmahi nga waiver slips wala hatagi ug deworming tablets”, padayon ni Supt. Perez. Dugang niini, gipahibalo usab ni Perez nga bulto ang pagpadala sa mga deworming chewable tablets ug walay expired niini sama sa gipakita sa blog nga rappler.

 Tungod kay walay nakitang bikil sa pagpahigayon sa deworming sa Dipolog, naka-umol ang SP ug DepEd sa kasabutan nga mosumitir ang City Schools Division sa ilang Emergency Plan ngadto sa CDRRMC (City Disaster Risk Reduction & Management Council) gumikan kay ang nahitabong “mass hysteria” nahimutang nga usa ka emerhensiya; gipalanog usab ni Konsehal Ruiz nga adunay siyay isumitir nga “position paper” alang sa pagpakgang unya sa “mass hysteria” sa mga katawhan aron malikay ang dili maayong panghitabo, ilabi na kay walay kamatuoran nga adunay namatay sa pagpahigayon sa deworming. Dugang niini, misugyot usab si Konsehal Maynard Baes, ang kasamtangang Presidente as Association of Barangay Councils, nga kun ugaling adunay panghitabo sama niini, mamahimong gamiton ang mga pasilidad sa estasiyon sa radio aron sa paghatag ug tukma nga kasayuran sa mga katawhan. (CIO-prr)

News

Your Comments

You must be logged in to post a review.



Follow Us



Newsletter