RED CROSS RUN FOR HUMANITY MALAMPUSONG GIPAHIGAYON

By on September 10, 2015

 August  24-

Nahimong malampuson ang pagpahigayon sa Run for Humanity niadtong Agosto 21, 2015 didto sa Dipolog Boulevard nga gipasiugdahan sa Philippine Red Cross-Zamboanga del Norte Chapter pinaagi sa pagpangulo ni Provincial Administrator, Joshua Amado Bicoy. 

Nagpasalamat ug daku si Bicoy ngadto sa kagamhanan ni Mayor Evelyn T. Uy gumikan sa suporta niini alang sa maong kalihukan.

 Lakip nga nagpasalamat si Bicoy ngadto sa nagkalain-laing ahensya sa gobyerno nga miduyog sa maong kalihukan sama sa DepEd, Dipolog PNP Station, 101st Brigade, Girl Scout of the Philippines (GSP), ug lakip ang pipila ka NGO.

 Matud pa ni Assistant to the Head of Office-International Committee of the Red Cross, Gabriel Anthony Daplan, nga nakabase sa dakbayan sa Zamboanga, nga sa matag bulan sa Agosto sa matag tuig, ginaselebrar sa nasud ang Red Cross International Humanitarian Law (IHL) sukad niadtong tuig 1999 hangtud karon. Subay kini sa Executive Order # 134 nga gi-isyo ni kanhi Presidente Joseph Estrada.

 Dugang pa ni Daplan nga ang Department of Defense mao ang nangulo sa maong kalihukan dinhi sa nasud, diin gawas sa Fun Run duna usa’y sunod-sunod ka mga kalihukan ang ginapahigayon. Mohatag usab sila sa mga lectures kabahin sa International Humanitarian Law. Kasagaran sa ginahatagan sa mga pagtulon-an kabahin sa IHL mao ang kapolisan, ang militar ug ang mga katawhan sa Civil Society aron mapalapdan ang kahibalo nila may kalabot sa pamalaod sa guera.

 Sumpay pa ni Daplan nga lakip nga ginabisitahan usab sa Red Cross mao kadtong mga katawhan sa kabarangayan nga kasagaran mao’y daling madutlan sa mga kasamok tali sa kasundalohan sa gobiyerno ug sa mga walhung grupo. (CIO-MECC)

News

Your Comments

You must be logged in to post a review.



Follow Us



Newsletter