MINBIZCON GIPAHIGAYON DINHI SA DIPOLOG

By on September 10, 2015

Dipolog City Seal                

Republic of the Philippines,  CITY OF DIPOLOG 

 DIPOLOG.COM

_______________________________________________________________________________

                 Atol sa pagbukas karong adlawa (Septiyembre 1, 2015) sa 24th Mindanao Business Conference (MinBizCon) dinhi sa Dakbayan sa Dipolog, daghanang kalihukan ang gihan-ay sa Philippine Chamber of Commerce & Industry-Mindanao alang sa upat ka adlaw nga kalihukan, nga gipangunahan sa Dipolog Chamber of Commerce and Industry inabagan sa mga Kagamhanang Lokal sa Dipolog ug Probinsiya sa Zamboanga del Norte.

            Nasayran nga gisugdan ang MinBizCon sa usa ka press conference ug Chamber Management Seminar. Ang pormal nga pagbukas sa kalihukan gitakda sa Septiyembre 2 pinaagi sa usa ka Trade Fair. Si  Ms. Annie O. Ty, ang kasamtangang Chairperson sa 24th MinBizcon ug PCCI Area Vice President for Mindanao maoy gitahasan sa pagdeklarar nga buksan ang 24th Mindanao Business Conference gikan sa Septiyembre 1 - 4, ning tuiga. Mohatag usab si Mayor Evelyn T. Uy sa iyang Welcome Message atol sa opening program , samtang si Commissioner Michael G. Aguinaldo, Chairman sa Commission on Audit  maoy Keynote Speaker. Kauban ni Mayor Uy nga mo-abi-abi sa mga bisita sila si Governor Roberto Y. Uy, Vice Mayor Horacio Velasco, ug Vice Governor Senen Angeles.  

            Ang tema nga gisagup sa 24th MinBizCon mao ang: “Winning the ASEAN, Gaining the Global Market”.

            Sa mga sumusunod nga schedule sa komperensiya, adunay gihan-ay nga 7 ka plenary sessions nga maghisgut sa mosunod:

            - Positioning Mindanao in the Integrated ASEAN Market

            - Developing the globally competitive Human Resources

            - Emerging Tourism Circuits in Mindanao

            - Inclusive Business for Social Transformation

            - Achieving Local Economic Development Thru Good Governance

              And Competitiveness

            - Investment Options & Financing Opportunities in the Capital Market and

            - Transforming Traditional Filipino Companies into Successful Global Organizations

         ug usa ka special presentation may kalabot na sa The Mindanao Peace Process nga ipresentar ni Secretary Teresita Quintos-Deles, ang kasamtangang Presidential Adviser on the Peace Process. Gawas ni COA Commissioner Aguinaldo, moanhi usab si Ambassador Alfredo Yao – Presidente sa Philippine Chamber of Commerce & Industry, Inc., Senator Alan Peter Cayetano, Secretary Luwalhati Antonino sa Mindanao Development Authority, ug DILG Secretary Mar A. Roxas. (CIO-prr)

 

minbizcon 2015 (1)minbizcon 2015 (2)minbizcon 2015

 

 

                                                                                                                                                                          O.K. for Release:                                                                                                                                                                                                                                                                                                                                                                                               LORENZO A. ASENERIO II                                         INFORMATION OFFICER

News

Your Comments

You must be logged in to post a review.



Follow Us



Newsletter