MGA SOCIAL WORKERS SA CSWDO MIPAILAWOM SA TRAINING

By on September 10, 2015

August 27- Mipailawom sa 2 ka adlaw nga pagbansay-bansay ang mga kawani sa Dipolog City Social Welfare and Development Office (CSWDO) didto sa Ground Floor, Top Pension, dakbayan sa Dipolog kaniadtong Agosto 27-28 ning tuiga.

Ang kalihokan usa ka refresher course alang sa Capability-Building for Social Workers and Para Professionals Along Case Management nga gipasiugdahan sa CSWDO sa pagpangulo ni CSWDO Nenita O. Maningo inabagan sa Department of Social Welfare and Development (DSWD) Rehiyon 9.

 Atol sa opening program si DSWD 9 Regional Director Zenaida L. Arevalo mipadayag sa iyang pagdayeg ngadto sa mga opisyales ug kawali sa CSWDO sa pagmugna sa nasangpit nga kalihokan ug siya nanghinaut nga mahimutang sa highly functional level ang CSWDO sa sunod tuig. 

Si City Civil Registrar Rosemarie P. Miranda nga nagrepresentar kang Dipolog City Mayor Evelyn T. Uy mihatag usab sa iyang panahom kabahin sa importansya sa paghimo ug case study tungod kay mao kini ang basehan sa mga mosunod nga lakang alang sa paghatag ug tukmang serbisyo ngadto sa usa ka kliyente.

 Tumong sa training nga madugangan ang kahibalo ug kahanas sa mga tinugyanan sa buhatan sa pagdumala sa mga kaso nga mahidangat sa ilang buhatan. 

Gihatagan sa dakong pagtagad sa training mao ang kabahin sa social welfare ethics, principles and theoretical frameworks, social case management ug social worker’s skills, social case study report ug uban pa. Dinapit nga mga resourse persons mao sila si Director Arevalo ug DSWD Training Specialist Narrabelle Bue. (CIO/ebp).

News

Your Comments

You must be logged in to post a review.



Follow Us



Newsletter