MGA HEPE EHEKUTIBO GIDASIG SA PAGSANGYAW SA LISTANAYAN PROJECT

By on September 10, 2015

August 25 – Gidasig karon ang tanang mga kadagko-an sa mga lalawigan, kalungsoran, dakbayan, kabaranggayan, lakip na ang mga directors sa DILG alang na sa pagsuporta sa “LISTANAYAN” usa ka proyekto alang sa pag-promoter sa “Biometrics Voter Registration”.

                     Kining maong pagdasig ang gipadayag pinaagi na sa giluwatang memorandum circular no. 2015-89 nga pinetsahan ug Agosto 12, 2015 pinirmahan ni Undersecretary Austere D. Panadero. 

                     Dugang nasayran nga ang paglusad ning maong proyekto ang gihimo isip pagsanong sa Akta Republika no. 10367 o nailang “AN ACT PROVIDING FOR MANDATORY BIOMETRICS VOTER REGISTRATION”, ug sa Memorandum of Agreement (MOA) nga gipetsahan ug Hunyo 30, 2015 sa Samahan para sa Tunay na Eleksiyon sa Pilipinas nga gilangkoban sa mga buhatan sa COMELEC, DILG, DepEd, DOTC, NCIP, ULAP, MTRCB, NCDA uban sa pipila pa ka mga nailang ahensiya, ma- pribado man o pampubliko kinsa mipasiugda sa proyektong Listanayan uban sa tema nga “Nasa’yo ang Papel, Ikaw naman ang Pumapapel”. 

                      Matud pa nga kining maong proyekto ang nagatumong sa pagpa-usbaw sa pagpakabana kalabot na sa biometrics voter registration, nga maka-pakubos sa gidaghanon sa mga botante nga wala ma-rehistro sa biometric.

                      Kalabot ning maong kalamboan, gidasig ang mga nahisgotang kadagkuan sa unahan sa pagtabang sa pagsangyaw ning maong impormasyon ngadto sa tanang hingtungdan aron magapahibalo ngadto sa katawhan publiko sa kamahinungdanon sa biometric registration pinaagi na sa pagpatik sa mga pamantalaan ug sa pagsibya sa kahanginan alang sa halapad pagpahibalo.(CIO-alb)

News

Your Comments

You must be logged in to post a review.



Follow Us



Newsletter