LAIN NA USAB NGA EARTHQUAKE UG FIRE DRILL IPAHIGAYON

By on September 10, 2015

August 28 – Usa ka Earthquake ug Fire Drill ang gitakdang ipahigayon karong umaabot adlaw’ng Domingo, Agosto 30, 2015 dinha sa Top Plaza Hotel, ning atong dakbayan.

 Sigun sa nasayran, nga kining maong kalihokan ang paga-pasiugdahan sa kagamhanang lokal sa Dipolog, pinaagi na sa buhatan sa City Disaster Risks Reduction & Management, ilawom sa pagdumala ni Mr. Felipe T. Mangila, isip Officer-in-Charge.

 Sumala pa nga kining maong kalihokan ang paga-tambongan sa pipila ka mga personahe gikan sa pipila usab ka mga nagkalain-laing buhatan ilawom sa kagamhanang lokal sa dakbayan, sama sa DILG, BFP, PNP, ug uban pa.

 Kahibalo-an nga subsob karon ang pagpahigayon ug mga serye sa fire ug earthquake drills dinhi palibot sa dakbayan, partikular na dinhi sa atong mga pampublikong tulunghaang elementarya ug sekondarya, aron pagtudlo sa mga kabataang magtutungha sa ilang angayang paga-buhaton, kon ugaling aduna’y mahitabong sunog o kaha linog, samtang anaa sila sa ilang mga tulunghaan.

 Subay unya sa pagpahigayon sa nahisgotang drill sa unahan, nagpahibalo karon ang buhatan sa CDRRM ngadto sa tanang kasikbit nga mga establismento sa Top Plaza, lakip na ang katawhang publiko, sa dili lang makuyawan ug matarantar kon ugaling makadungog sila ug makusog nga pag-siren ug sa pagkakita sa aso gikan sa maong hotel, gumikan kay usa lamang kini ka drill.

 Sumala pa sa CDRRMO, nga gituyo nilang ang pagpagawas ning maong impormasyon aron kahatagan sa tukmang pahibalo ang tanan kalabot ning nasangpit nga drill, aron malikayan ang bisan unsa unyang negatibong panghitabo bunga sa kakulangon sa impormasyon sa mga katawhang publiko.(CIO-alb)

 

                                                                                                                                           O.K. for Release:

                                                                                                                              LORENZO A. ASENIERO II

                                                                                                                                 City Information Officer

News

Your Comments

You must be logged in to post a review.



Follow Us



Newsletter