KATAWHAN GIDAPIT PAGSALMOT SA ALAY LAKAD-WALK FOR A CAUSE

By on September 10, 2015

August 27 – Nagadapit karon ang kagamhanang lokal ning dakbayan ngadto sa tanangmga buhatan, ahensiya, kahugpungan, tulunghaan, ma-pribado man o pampubliko ug indibidwal alang sa pagsalmot sa umaabot nga pagpahigayon sa “Alay Lakad – walk for a cause” nga gikatakdang pagahimoon karong umaabot Septembre 27, karong tuiga.

 Mao kini ang impormasyon nga nakalap sa buhatan sa City Information sayo ning semanaha, human nagtagbo ang mga nagkalain-laing buhatan ilawom sa kagamhanang lokal sa dakbayan, niadtong nakalabay nga semana. Kahibalo-an nga ang Alay Lakad-walk for a cause, maoy tinuig nga kalihokan nga ginahimo sa kagamhanang lokal sa Dipolog. 

Sumala pa nga ang pagpahigayon sa Alay Lakad karong tuiga ang paga- pasiugdahan sa kahugpungan sa Brotherhood of Christian Businessmen and Professionals (BCBP), uban na sa hugot nga koordinasyon sa kagamhanang lokal sa atong dakbayan.

 Dugang nasayran nga ang maong paglakaw ang pagasugdan sa may alas 4:00 ang takna sa sayong buntag nga manukad dinha atubangan sa DPWH, sa BarangaySta. Isabel isip assembly area, ug motapos didto sa Dipolog City Sports Center, sa Barangay Olingan.

 Gawas sa maong hiniusang paglakaw, adunay ipahigayong hamubong programa didto na mismo sa dapit diin kini mitapos, diin pipila ka mga dagkong personalidad angmopabati sa ilang mga pakigpulong. Aduna usa’y raffle nga pagahimoon alang sa tanang mga partisipantes, kinsa naghawid ug mga raffle tickets nga mapalit sa tag P10.00 ang matag usa, isip tipik sa fund raising sa maong kalihokan, nga nagtangag usab ug mga bililhong ganti, sama sa tagsa ka sakong bugas humay, celphones, ug uban pa. 

Angay nga masayran sa tanan, nga ang pagpahigayon sa Alay Lakad sa matag tuig maoy usa ka fund raising nga kalihokan, kansang abot niini ang paga-gamiton sa pagpatungha sa mokabat 66 ka mga scholars niini, kinsa gilangkoban sa mga kabataang kabus nga nagbaton sa maayong pangutok apan wala’y sarang ikagasto dinha sa ilang pagtungha. Tungod ning maong programa, daghanan nang mga kabataang scholars ang malamposong nakatapos, diin pulos na nahimong mga professionals.(CIO-alb)

News

Your Comments

You must be logged in to post a review.



Follow Us



Newsletter