GREEN ENERGY FISHING SYSTEM GIPA-ILA-ILA SA MGA MANANAGAT NING DAKBAYAN

By on September 10, 2015

August 27- Usa ka bag-ong teknolohiya alang sa pangisda ang gipa-ila-ila ngadto sa mga mangingisda ning dakbayan sa Dipolog pinaagi ni OIC-City Agriculturist, Engr. Jose Kerr Porlas niadtong Agosto 27, 2015 didto sa kadagatan sa City Boulevard.

 Kahibaloan nga duha ka kumpaniya ang nanaghi-usa alang sa proyektong Eco Fishing Project dinhi sa dakbayan. Si Maurice Bujohr, usa ka inhenyero sa kompaniyang Torquesdo sa nasud sa Germany ug si Peter Toh, usa usab ka inhenyero sa Fong’s Enineering sa nasud sa Singapore, ang nanaghi-usa alang sa proyektong Solar Power.

 Sigun sa nasayran gikan ni Abraham Chang, usa ka distributor sa produktong Solar Power nga nagagikan sa nasud sa America, nga ang Green Energy Fishing System mao ang nag-unang teknolohiya dinhi sa nasud nga gituyo ug himo ilabi na alang sa mga mangingisda.

Sanglit nga ang enerhiya gikuha lamang diha sa kainit sa adlaw pinaagi sa pagbutang sa solar panel diha sa imabaw sa bangka, busa dili kini makadaot sa kina- iyahan kon eco-friendly kini. Mas makadaginot kung kini ang gamiton sa mga mangingisda gumikan kay dili na man sila mopalit pa ug gasolina o krudo.

 Matud pa ni Chang nga giila kini isip Ecologically Friendly gumikan sa rason nga dili na mag-emission, dili na mahugawan ang kadagatan, silent engine, ug makapa-uswag kini sa kinabuhi sa mga katawhang mananagat.

 Alang niadtong mga mangingisda nga interesadong mo-angkon sa maong bag-ong teknolohiya, modangop lamang sila ngadto sa buhatan sa Agrikultura ning ning dakbayan. (CIO-MECC)

News

Your Comments

You must be logged in to post a review.



Follow Us



Newsletter