FAMILY PLANNING CONGRESS IPAHIGAYON SA BUHATAN SA PANGLAWAS

By on September 10, 2015

August 25 - Gikatakdang ipahigayon ang Family Planning Congress karong umaabot Agosto 28, 2015 didto sa 4th Floor City hall Building ning dakbayan sa Dipolog nga paga-pasiugdahan sa buhatan sa City Health nga gidumala ni City Health Officer, Dr. Cecilio P. Siglos.Kahibalo-an nga ang nasangpit nga kalihukan ang nagdala sa temang, “Kapag Planado, Panalo”. Dugang nasayran nga ang pagpahigayon ning maong kalihokan ang ubos sa pagtambayayong sa Dipolog City Health Office, LGU, DOH-IX ug JHPIEGO (John Hopkins Program for International Education on Gynecology and Obstetrics). Gikalatid nga mohatag sa Opening Remarks si City Health Officer Dr. Cecilio P. Siglos, samtang mopabati usab sa iyang mensahe si Mayor Evelyn T. Uy. Lakip nga mohatag sa iyang mensahe mao si ZN-Provincial Health Leader on Development Management, Engr. Annette B. Tan. Gikatakda usab nga ipahigayon atol niini ang ‘Usapan Session’ subay sa mga hilisgotan kabahin sa (1) Benefits of Family Planning to Mother, Father, Children and Family. (2) Understanding Human Fertility ug (3) Different Family Planning Methods. Lakip nga ipahigayon usab mao ang mga nagkalain-laing kalingawan alang sa mga misalmot, sama sa Photo Booth, Parlor Games, ug Zumba. Alang sa pagtak-op sa maong programa, mohatag sa iyang closing remarks si Family Planning Coordinator, Ms. Rhodora M. Yrañela. (CIO-MECC)

News

Your Comments

You must be logged in to post a review.



Follow Us



Newsletter