FAMILY PLANNING CONGRESS IPAHIGAYON DINHI SA DAKBAYAN

By on September 9, 2015

August 11-

Alayon sa kasaulogan sa tinuig nga Family Planning Month, gisaulog usab karon ang Breast Feeding Month gikan sa Agosto 1 ngadto na sa petsa 30, 2015, nga pasiugdahan sa rehiyonal nga buhatan sa DOH-IX, ug sa City Health Office sa pagdumala ni City Health Officer, Dr. Cecilio P. Siglos ning dakbayan sa Dipolog. Kahibalo-an nga gikatakda nga ipahigayon ang Family Planning Congress dinhi sa dakbayan karong umaabot Agosto 28, 2015 didto sa 4th Floor, City Hall Building, ning Nasayran ng kining nahisgotang kalihokan ang dinuyogan usab sa LGU, CHO, DOH ug JHPIEGO (John Hopkins Program for International Education on Gynecology and Obstetrics), usa ka NGO. Nasayran usab nga ang maong kalihukan ang nagadala sa temang, “Kapag Planado, Panalo”.

Sumala ni Maternal and Child Care and Family Planning Coordinator, Ms. Rhodora Yrañela, nga ang mamahimong dinapit sa maong kalihukan mao ang mga asawa o inahan nga wala pa sukad makaplano sa gidaghanon sa ilang anak. Ang gikatakdang mga dinapit ang magagikan sa 21 ka mga barangay ning dakbayan.

Dugang pa ni Yrañela nga duna’y daghang kontrasiptibo ang buhatan sa City Health, sama sa condom, pills ug uban pa, gawas pa niini, nagbaton usab kini sa modernong mga pamaagi sa natural family planning nga mao ang ‘cycle beads’. Nunot sa ipahigayong Family Planning Congress, pagatuki-on ang kabahin sa Breast Feeding Advocacy, diin matud pa nga hatagan ug pagtagad ang kabahin sa exclusive breast feeding gikan sa 0-6 ka bulan ug sa unom ka bulan pataas. Mahimo usab nga hatagan sa complimentary feeding ang mga puya. Ang breast feeding advocacy ang ubos sa Executive Order # 51 nga giila isip ‘Milk

Code of the Philippines’. Human sa mga pagtulon-an nga ihatag ngadto sa mga nanay, duna usa’y mga parlor games alang sa ilang kalingawan, ug photo-booth usab, alang niadtong mahiligon sa pagpahulagway. (CIO-MECC)

News

Your Comments

You must be logged in to post a review.



Follow Us



Newsletter