DIPOLOG UG DA-IX MAGPIRMAHAY UG KASABOTAN ALANG SA USA KA NURSERY SHED

By on September 10, 2015

 August 19- Usa ka resolusyon ang gipadas-og ni Konsehal Atty. Peter Y. Co atol sa regular nga sesyon niadtong Agosto 18, 2015 nga maghatag ug pagtugot ni Mayor Evelyn T. Uy nga makapirma ug kasabutan tali sa rehiyonal nga buhatan sa Departament of Agrikulture IX, pinaagi ni OIC-Regional Director, Constancio G. Alama.

                   Sigun sa nasayran, nga kini ang gituyo sa pagpanday aron makabaton sa usa ka Nursery Shed alang sa similya sa mga High Value Fruit Trees ang dakbayan sa Dipolog nga duna’y gi-alokar nga pondo sa kantidad nga P250,000.00 ka pesos.

                    Kahibaloan nga ang DA mao ang prinsipal nga ahensiya sa kagamhanan nga gimandoan nga mao’y mopalambo sa sektor sa agrikultura. Pinaagi sa Regional Field Office IX, gi-adaptar ang prisipyo sa Agri-Pinoy framework alang sa pagpa-uswag ug pag-implementar sa High Value Crops Development Program (HVCDP) dinhi sa dakbayan.

                   Ang gihisgutang mga similya ang ipang-apod-apod usab ngadto sa mga katawhang mag-uuma aron mao’y itanom ngadto sa ilang kaumahan. 

                   Gawas sa salaping pondo nga ihatag, mohatag usab ug teknikal nga hinabang ang DA ngadto sa LGU aron mao’y makatabang sa pag-asikaso sa mga tanom.

                  Pinaagi sa buhatan sa City Agriculture, gikatakdang makapang-apod-apod ngadto sa mga mag-uuma sa mga similya sa high value fruit trees sa tukmang panahon. (CIO-MECC)

News

Your Comments

You must be logged in to post a review.



Follow Us



Newsletter