COMMISSION ON FILIPINOS OVERSEAS MOPAHIGAYON UG KALIHOKAN DINHI SA DAKBAYAN

By on September 9, 2015

  

August 13 – Ang Commission on Filipino Overseas ang mapasigarbohon karong nagapahibalo nga kini ang gikatakdang mopahigayon ug programa alang sa pag-edukar sa atong mga katawhan kalabot na sa pagbalhin o “migration”, dinhi sa lalawigan sa Zamboanga Del Norte karong umaabot Septembre 3 ngadto na sa 5, 2015.

 Mao kini ang unod sa sulat sa nadawat sa buhatan ni City Mayor Evelyn T. Uy gikan sa nahisgotang ahensiya pinirmahan sa chairperson niini nga si kalihim Imelda M. Nicolas. 

Dugang pa sa nasangpit nga sulat, nga kining maong kalihokan ang magatabang sa mga naglaraw’ng mga mo-migrate dinha sa pagmugna ug mga hukom kalabot na sa ilang pagbalhin sa laing mga nasud, ingon usab sa pagkalap ug kalambigitan sa komunidad kalabot na “migration”.

 Sumala pa nga kini usab ang nagatumong sa pagpa-usbaw sa pagpakabana sa mga katawhan kalabot na sa nagkalain-laing mga isyus kalabot sa pag-migrate, intermarriages ug sa kasamtangang mga programa ug palisiya nga giponting batok sa illegal recruitment, trafficking, ug uban pa.

 Dugang pa sa nasangpit nga ahensiya, nga sila ang mobisita sa mga katawhan dinha sa mga kalungsoran ug dakbayan pinaagi sa pagpahigayon ug mga symposia kalabot sa migration, pampublikong asembliya, radio interviews, ug panagbaylo- ay sa huna-huna tali na sa mga katawhan

Kalabot ning maong kalihokan nga pagahimoon sa maong ahensiya nga nahisgotan sa unahan, nagahangyo kini sa kagamhanang lokal ning atong dakbayan pinaagi na ni Mayor Uy, sa paghimo ug mga pagdapit sa mga partisipantes alang ning maong katuyu-an pinaagi sa usa ka “Pulong-Pulong, sa Septembre 3, 2015, gikan sa alas 2:30 ngadto na sa alas 4:30 ang takna sa hapon, dinhi sa atong dakbayan, diin ang dapit nga paga-pahigayonan niini ang ipahibalo ra unya. Ang mga giponting mga mamahimong mga partisipantes mao ang mga Sangguiang bayan, kabataan ug opisyales sa mga kabaranggayan, local civil registrars, marriage counselors, Public Employment Service Officers, mga kawani sa dakbayan ug uban usab nga   naglaraw nga mobalhin sa pagpuyo didto sa laing mga nasud.(CIO-alb)     

News

Your Comments

You must be logged in to post a review.



Follow Us



Newsletter