CEREBRAL PALSY AWARENESS AND PROTECTION WEEK GIKATAKDANG IPAHIGAYON

By on September 10, 2015

August 26 – Gikatakdang saulogon ang ika-12 ka tuig nga obserbasyon sa CerebralPalsy Awareness and Protection (CPAP) Week karong umaabot Setiyembre 16-22, 2015 nga nagadala sa temang, “Pagpapahalaga sa Abilidad at Dignidad ng Taong may Cerebral Palsy”.

 Sigun sa nasayran nga subay kini sa Presidential Proclamation No. 588, diin sa matag tuig nga selebrasyon gila-uman nga makamugna ug palibut nga makapalipay ug makapalingaw sa usa ka individual nga duna’y cerebral palsy nga nagapuyo sa ilang protektadong kinabuhi diha sa katilingban. 

Kahibaloan nga ang cerebral palsy usa kini ka matang sa sakit sa muscle movement. Nga kalagmitan sa hinungdan niini, lagmit nga nadaot sa panahon sa pagkatawo o sa panahon sa giburos pa ang bata. Kasagaran sa mahimong apektado mao ang utok nga mao’y naga-kontrol sa lihok sa lawas sa tawo. 

Ang kasagarang mahinagbong problema sa tawong duna’y cerebral palsy mao ang mosunod: bungol, dili kakita ug dili kahuna-huna sa insakto. Apan kung ma-diagnose sa sayong panahon makatabang kini ug daku sa kalidad sa ilang kinabuhi.

 Ang gi-adaptar nga tema sa selebrasyon sa CPAP Week ang aduna usa’y sub- theme, “Moving Forward to Health, Wellness and Productivity of Persons with Cerebral Palsy”. 

Alayon sa maong kalihukan, gi-awhag sa buhatan sa DILG pinaagi sa Memorandum Circular No. 2015-86 ang tanang Provincial Governors, City and Municipal Mayors, DILG Regional Directors alang sa pagsuporta sa obserbasyon sa maong kasaulogan pinaagi sa motorkada, pagbitay ug streamers kabahin sa maong adbokasiya, i-anunsyo ang kabahin sa CPAP Week atol sa Flag raising ceremony, Art Workshop, Medical Outreach, ug uban pa.

 Alang sa dugang impormasyon mahimong makontak si Mr. Rizalio R. Sanchez sa NCDA sa telepono numero 951-5013, 932-6422, o sa e-mail address: council@nccla.gov.ph. (CIO-MECC)

News

Your Comments

You must be logged in to post a review.



Follow Us



Newsletter