BULAN ALANG SA MGA OVERSEAS FILIPINO WORKERS PAGA-SAULOGON

By on September 10, 2015

August 26 – Gikatakdang pagasaulogon ang “Month of Overseas Filipinos and International Migrants Day” karong umaabot Disyembre 18, karong tuiga, uban sa tema nga, “Step-it-up_MWC25: Thinking Globally, Acting Locally”.

 Kining maong kasaulogan ang paga-pangunahan sa Inter-Agency Committee on the Celebration of the Month of Overseas Filipinos and International Migrants Day, nga gidumala sa Philippine Migrants Rights Watch (PMRW), duyog na sa Commission on Filipinos Overseas (CFO).

 Alayon sa pagpahigayon niini, miluwat karon ang nasudnong buhatan sa DILG sa Memorandum circular no. 2015-90 alang sa tanang mga hepe ehekutibo sa mga lalawigan, dakbayan, kalungsoran, lakip na sa ARMM Governor, sa tanang mga DILG Directors, alang sa pagsuporta ning nahisgotang selebrasyon.

 Subay niini, gidasig ang tanang mga hingtungdan kadagko-an sa paghimo ug mga kalihokan nga mohaom niini sama sa pagmugna ug mga forum kalabot sa migration, sportfest, balik-bayan night o ubang mga kalihokan nga maga-ila sa papel sa mga overseas Filipino workers.

 Lakip usab sa gi-awhag mao ang paglugway ug mga ayudang pinansiyal, pagkalap ug mga grants o donasyon gikan sa mga pribadong institusyon aron ikagasto sa mga kalihokan nga ipahigayon haom sa pagsaulog sa bulan alang sa mga overseas Filipino workers.(CIO-alb)

News

Your Comments

You must be logged in to post a review.



Follow Us



Newsletter