“BANGKO SENTRAL NG PILIPINAS NAGPAHIGAYUN UG EFLP SA NAGKALAIN-LAING SEKTOR SA DIPOLOG”

By on September 9, 2015

 August 12

Kasamtangang mipahigayon karong semanaha ang Bangko Sentral ng Pilipinas (BSP) sa ilang ika-upat nga hugna sa ilang Economic ug Financial Learning Program (EFLP) sa tuig 2015 dinhi sa dakbayan sa Dipolog sugod pa niadtong Agosto 10-13, ning tuiga. 

Nasayran gikan sa mga opisyales sa BSP nga gipangunahan nila ni Deputy Director Evelyn Santos sa Departamento sa Econimic Research, Deputy Director Maria Farah Angka sa Economic & Financial Learning Center, Acting Deputy Director & Head sa BSP Ozamis Branch, ug Acting Deputy Director Jade Eric Redoblado sa Center for Monetary & Financial Policy sa BSP, nga ang pagpahigayon sa EFLP sa BSP naglangkob sa pila ka serye sa learning sessions nga nagtumong sa pagkab-ot ug halapad nga pagpakabana ug pagsabot sa mahinungdanung isyu may kalabot na sa ekonomiya ug panalapi. Dugang nasayran nga ang pagpahigayon ning nasangpit nga financial education sa mga hingtungdan kinsa gila-uman nga mamahimong kauban o katimbang sa BSP sa pag-amping sa kalig-on sa mga presyo ug paglig-on sa bangko ug sistema sa pagbayad. 

Sumala pa ni Director Angka, lima ka programa ang ilang gi-implementar dinhi sa dakbayan. Ang una mao ang “Project BRO (BSP Reaches Out), nga usa ka savings campaign alang sa mga bata ug kabatan-onan, gikan sa Grade 1 hangtud na sa Grade 10, nga ipahigayon sa Dipolog Pilot Demonstration School, St. Vincent’s ug St. Mary’s Academy, ug mga magtutungha sa Zamboanga del Norte National High School; ang ikaduhang programa mao ang “Be up to SPeed on BSP, nga usa ka information campaign may kalabot na sa papel sa BSP ngadto sa ekonomiya; ang ikatulo mao ang “Financial Education Expo” alang sa sektor sa mga mamumu-o; ang ika-upat nga programa mao ang “Paghahanda sa Kinabukasan”, usa ka financial learning campaign alang sa mga overseas Filipinos ug ilang mga benepisyaryo; ug ang ikalima mao ang “Financial Education Expo” alang sa mga magtutungha ug mga miyembro sa “academe”.

 Kahibalo-an nga ang BSP naglihok sa kalambu-an sa ekonomiya sa nasud pinaagi sa tulo ka haligi sa central banking: 1) price stability, 2) financial stability ug 3) efficient payments and settlements system. (CIO-prr)

News

Your Comments

You must be logged in to post a review.



Follow Us



Newsletter