“BANGKO SENTRAL NAG-AWHAG NGA AMPINGAN ANG PAG- HANDLE SA BAG-ONG KWARTA”

By on September 9, 2015

August 12

              Atol sa nagapadayung pag-ilis sa karaang kwartang papel sa Bangko Sentral nga Pilipinas karon, gipahibalo ni Ms. Aileen G. Manansala, ang kasamtangang BSP Bank Officer II sa Currency Issue and Integrity Office, ang mga katawhan ning dakbayan sa Dipolog nga ampingan ang paghawid sa atong papel ug sinsilyo nga kwarta gumikan kay gigastuhan usab kini sa atong gobiyerno. 

              Sumala ni Ms. Manansala, ang pag-amping sa papel nga kwarta dili sulatan, dili estapleran, dili kumuton, o kuluran, aron molungtad usab kini. Dugang ni Manansala nga sa tibook kalibutan, adunay bala-od nga matag napulo (10) ka tuig, gikinahanglan nga ilisan us bag-o ang atong “legal tender” o kwarta. Dinhi sa atong nasud (Pilipinas), karon pa gihimo ang pagbag-o sa atong kwarta human milabay ang 25 anyos ug ang usa sa special feature niini mao nga aduna kini disinfectant aron malikay ang pagbalhin sa mga sakit nga dala sa pag- circulate sa kwarta pinaagi sa mga kamot. (CIO-prr)

News

Your Comments

You must be logged in to post a review.



Follow Us



Newsletter