BAG-ONG PAWNSHOP GISUBHAN DINHI SA DAKBAYAN

By on September 9, 2015

 August 10-

Laing prendahanan (pawnshop) ang gisubhan ug gi-ablihan na usab dinhi sa dakbayan sa Dipolog niadtong Agosto 10, 2015, tumong ug tuyo ng makatabang sa masang Dipolognon pinaagi sa prenda. Ang gibuksan nga prendahanan mao ang New Pag-asa Pawnshop nga ana- a nahimutang sa Gandola Building, General Luna St., ning dakbayan sa Dipolog. Nasayran nga ang maong establisamento usa ka sister company sa Family’s Brand Sardines nga nagabase sa Davao City ug gipanag-iyahan sa pamilyang Chua nga taga-Davao. Ang kanhi pangalan niini mao ang Davao Rose-Ver Pawnshop. Sa pakighinabi sa Western Mindanao Area Manager niini nga si Mr.Alandino A. Lingat, Jr., ilang gipili ang Dipolog City nga malakip sa ilang pawnshop expansion gumikan sa economic viability sa dakbayan, ug aron makatabang usab sila sa masang Dipolognon sa ilang panginahanglanun sa panahon sa ilang kapit-us. Dugang ni Mr. Lingat nga kalagmitan sa mga pawnshop, modawat lang sa mga alahas aron iprenda, apan ang New Pag-asa, modawat usab sa household appliances, gadgets, power tools, gawas sa mga alahas, cellphones, ug relos.

Gipahibalo usab ni Lingat nga gawas sa ilang regular nga serbisyo nga modawat ug prenda, aduna usab silay community service sama sa feeding program, operation tuli, medical assistance ug distribution sa school supplies. “Dalaygon nga lugar ang Dipolog City gumikan sa kahapsay, kalinaw, kalimpiyo ug dili samok nga lugar. Ang mga tawo disiplinado ilabi na sa paglabay sa mga basura ug sa pagmintinar sa kalimpiyo sa palibot,” panapos ni OIC Manager Mr. John Rey Pada. Ang New Pag-asa Pawnshop maoy ika-43 nga pawnshop nga gi-ablihan dinhi sa Dipolog City. (CIO-prr)

News

Your Comments

You must be logged in to post a review.



Follow Us



Newsletter