“ASSEMBLY AREA SA ALAY LAKAD GI-USAB”

By on September 10, 2015

August 25

           Gumikan sa nagapadayung pagpalapad sa kalsada ug tulay sa Miputak Creek haduol sa Integrated Bus Terminal sa Dipolog, hini-usang gisabutan sa mga miyembro sa Alay Lakad Council nga ang lugar alang sa pag-assembly o pagtapuk sa mga partisipante sa Alay Lakad-Takbo 2015 himuon karon atubangan sa buhatan sa DPWH (tabuk sa gi-ayum-ayum nga Miputak Bridge).

           Sa gihapon, ang assembly time magsugod sa may alas 3:00 ang takna sa sayung buntag ug ang lakaw-dagan magsugod ug alas 4:00 ang takna sa sayung buntag karong umaabot Septiyembre 27 ning tuiga.

            Gi-imbitar karon ang publiko sa pagsalmot ning fund-raising activity aron sa pagpangalap ug mga donasyon alang sa kasamtangang 66 ka mga alay lakad scholars. Sukad gihatagan ug pagtagad ang scholarship grant sa Alay Lakad Council sa Dipolog, daghanang out-of-school youths ang nahatagan ug nakalampus sa ilang pag-eskwela ug karon aduna nay mga maayong panginabuhi-an. 

            Sa paghatag ug bulok ug dugang kalingawan alang sa mga partisipante, adunay raffle ticket nga baligya sa tag-P10.00 ug adunay mga daghanang premyo alang sa mga makada-ug. Aduna usay door prizes alang niadtong mga palarang numero sa ticket nga pagatawagon. Gawas niini, magbulok usab ang tinuig nga lakaw-dagan ning tuiga sa pag-anunsiyo sa manana-ug sa Mr. ug Miss Alay Lakad 2015.

Ang tema nga gisagop karon sa Alay Lakad Council sa Dipolog mao ang: “LAKAW-DAGAN SPORTY DIPOLOGNON”. (CIO-prr)

News

Your Comments

You must be logged in to post a review.



Follow Us



Newsletter