25 KA POLICE JEEPS GI-APOD-APOD SA MGA KALUNGSORAN NING LALAWIGAN

By on September 11, 2015

Dipolog City Seal                

Republic of the Philippines,  CITY OF DIPOLOG 

 DIPOLOG.COM

_______________________________________________________________________________

September 4 – Atol sa pagpahigayon sa 24th Mindanao Business Conference (MinBizCon) dinhi sa dakbayan, nahimong malampuson ang Blessing ug Turn-Over Ceremony sa 25 ka mga PNP Patrol Jeeps alang sa mga kalungsoran dinhi sa lalawigan sa Zamboanga del Norte niadtong Setiyembre 3, 2015 didto gayud tungod sa Provincial Library ning dakbayan sa Dipolog.

     Kahibaloan nga usa kini ka inisyatibo sa buhatan sa Department of Interior and Local Government (DILG) pinaagi ni Secretary Manuel ‘Mar’ Roxas.

     Nasayran nga gisugdan pinaagi sa usa ka pagpabendisyon sa mga Mahindra vehicles nga gipangunahan ni Rev. Fr. Cesar Tinga.     

     Nasayran usab nga gipangunahan ni Luwalhati R. Antonino (Chairperson sa Mindanao Development Authority) ang pagtunol sa yawi alang sa nasangpit nga mga sakyanan,  diin malipayon usab nga gidawat sa mga matag hepe sa kapolisan inubanan sa ilang  matag Hepe Ehekutibo sa ilang matag lungsod.

     Lakip nga nasayran nga gisunod usab ang Champagne Ceremony nga gipasiugdahan ni Luwalhati Antonino,  inubanan nila ni Governador Roberto Y. Uy, PNP Regional Director IX - PCSupt., Miguel C. Antonio Jr, ug DILG Regional Director IX, Paisal O. Abutazil.

      Gisaksihan ang maong kalihukan nila ni Dipolog City Mayor Evelyn T. Uy, Zamboanga del Norte 2nd District Congressman - Rosendo S. Labadlabad, mga bokales ning lalawigan ug lakip sa pipila ka mga kawani nga nagagikan sa nagkalain-laing buhatan sa kagamhanan.  (CIO-MECC)

 

 

 

  O.K. for Release:            

                                                                                                                                                               LORENZO A. ASENERIO II

                INFORMATION OFFICER

 

News

Your Comments

You must be logged in to post a review.



Follow Us



Newsletter