24th MINBIZCON SA DIPOLOG NAGMALAMPUSON

By on September 11, 2015

Dipolog City Seal                

Republic of the Philippines,  CITY OF DIPOLOG 

 DIPOLOG.COM

_______________________________________________________________________________

September 4 -  Dako ang pasalamat sa Dipolog Chamber of Commerce and Industry (DCCI)  sa pagpangulo ni Atty Paul G. Gudmalin sa malampuson nga pagpahigayon sa 24th Mindanao Business Conference (MinBizCon)  didto sa Zamboanga del Norte Convention Center dakbayan sa Dipolog kaniadtong Setyembre 1-4 ning tuiga.

            Ang 24th Minbizcon nga nagdala sa temang “Winning the ASEAN, Gaining the Global Market” maoy usa ka tinuig nga  panagtigom sa mga magpapatigayon gikan sa lain-laing lugar sa  Mindanao uban sa pipila ka mga opisyales sa Philippine Chamber of Commerce and Industry sa kaulohang Manila aron sa pagtuki sa kahimtang sa negosyo sa Mindanao ug pagmugna ug mga lakang alang sa pagpalambo niini alang sa kalibutanong  merkado .

            Atol sa closing program si Gudmalin nagkanayon  nga dili sayon ang pagpasiugda sa nasangpit nga kalihokan busa dako ang iyang pasalamat sa tanang nga miduyog niini ilabi na sa kagamhanang lokal sa Dipolog sa pagpangulo ni Mayor Evelyn Uy, kagamhanang probinsyal sa  Zamboanga del Norte sa pagpangulo ni Governor Roberto Uy ,sa  mga sakop sa DCCI, Philippine Chamber of Commerce and Industry (PCCI), mga volunteers ug uban pa.

            Gidapit aron sa pagpa-ambit sa ilang panahom sa kahimtang sa patigayon ug kalamboan sa Mindanao sila si DILG Secretary Manuel A. Roxas, Senator Alan Peter Cayetano, Presidential Adviser on the Peace Process Secretary Teresita Quintos-Deles ug Riza Hontiveros .

            Dinapit nga mga bisita ug mamumulong sila si Commission on Audit Chairman Michael Aguinaldo, PCCI Vice Present Ramon Escuceta, Dr. Cielito Habito, kanhi Finance Secretery Juanita Amatong, John Perrine, DILG Director Manuel Gotis,  Philippine Stock Exchange representative Jose Antonio Vilar, ug kanhi Philippine Army Commanding General  Lt. Gen Jaime de los Santos .

            Mipa-ambit usab sa ilang dakong kasinatian sa pagpadagang sa negosyo sila si St. Luke’s Medical Center  Board of Trustees Chairman Robert Kuan, Davao Chamber of Commerce and Industry Chairman John Gaisano, Jr. ug Mindanao Development Authority (MINDA) Chairperson Secretary Lualhati Antonino. 

            Kahinumduman nga  sa tuig 2008 gipahigayon usab dinhi sa dakbayan ang susamang kalihokan  ug matud pa sa pipila ka mga magpapatigayong bisita nga dako na kaayo ang kausaban ug kalamboan  sa siyudad sukad sa ilang unang pagdu-aw dinhi. (CIO/ebp).

 

                    O.K. for Release:            

                                                                                                                                                               LORENZO A. ASENERIO II

                INFORMATION OFFICER

News

Your Comments

You must be logged in to post a review.



Follow Us



Newsletter