109 KA MGA KABATAN-ONAN MIGRADWAR SA KURSONG BOKISYONAL

By on September 9, 2015

August 12-

Mikabat sa 109 ka mga batan-ong tinun-an sa Livelihood Skills Development and Enhancement Center (LSDEC) sa kagamhanang lokal sa Dipolog inabagan sa Techincal Education Skills and Development Authority (TESDA) ang midawat sa ilang mga sertipiko timaan sa pagtapos sa mga kursong vocational didto sa 4th Floor sa City Hall Annex building kaniadton Biernes Agosto 14 ning tuiga.

 Nasayran nga 47 kanila ang nahuman sa kursong Sheilded Metal Arc Welding (SMAW), 38 sa Electrical Installation and Maintenance (EIM) ug 24 sa kursong Masonry.

 Si Dipolog City Mayor Evelyn T. Uy nga mitambong sa okasyon ang mihatag sa iyang pagdasig ngadto sa mga kabataan sa pagamit sa ilang kahibalo alang sa pagpalambo sa ilang tagsa-tagsa ka pangkinabuhian.

 Sa susamang kalamboan si 2nd District Congressman Rosendo Labadlabad nga girepresentahan ni Mr. Michael “Jojo” Documento mihatud usab sa iyang pagsalamat ngadto sa mga estudyante nga nagpakita sa ilang kakugi ug sakripisyo aron molampos sa kurso. 

Atol sa okasyon ang TESDA sa pagpangulo ni Director Nilda Espiritusanto nga girepresentahan ni Engr. Oscar Perey, Jr. uban nila ni LSDEC Manager Ms. Flora Atamosa ug Mr. Michael Documento ang mitaga ug mga starter kits o mga kagamitan ngadto sa mitapos aron ilang magamit sa ilang trabaho o negosyo. (CIO/ebp).

News

Your Comments

You must be logged in to post a review.



Follow Us



Newsletter